Leges oscillationis oriundae si duo corpora diversa celeritate oscillantia ita conjunguntur ut oscillare non possint nisi simul et synchronice exemplo illustratae tuborum linguatorum : dissertatio physica ... / publice defendet auctor Wilhelmus Weber ; assumto socio Henrico Eduardo Floss.

Weber, Wilhelm Eduard, 1804-1891.

Date:: [1827]

Credit: Leges oscillationis oriundae si duo corpora diversa celeritate oscillantia ita conjunguntur ut oscillare non possint nisi simul et synchronice exemplo illustratae tuborum linguatorum : dissertatio physica ... / publice defendet auctor Wilhelmus Weber ; assumto socio Henrico Eduardo Floss. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

21/48 (page 17)

$inter sonum linguae proprium et octavam graviorem intersunt; ut ab aere cum uno nodo oscillante cogi possit, ad omnes sonos proferendos, qui inter sonum linguae et quartam graviorem intersunt; ab aere cum duobus nodis oscillante cogi possit, ut omnes sonos proferat, qui inter sonum linguae proprium et tertiam minorem graviorem intersunt, cet. 5) Si numerus oscillationum linguae ab oscillationum numero aeri in tubo quasi aperto conveniente quidem discordat, sed non tantum, quantum in casu sub No. 3. expo- sito , tam lingua quam aer tubo comprehensus oscillationum numerum sibi proprium mutant, ita tamen, ut numerus oscillationum linguae paululum tantum imminuatur (uno minuto secundo paucis saltem oscillationibus); contra numerus oscillationum aeris tubo comprehensi multum augeatur, sic, ut aer sine nodo oscillans a lingua cogi possit *) ad omnes sonos edendos, qui inter sonum aeri proprium et quintam altiorem intersunt; ut aer cum uno nodo oscillans a lingua cogi possit, ad omnes sonos edendos, qui inter sonum aeri proprium et tertiam minorem altiorem intersunt; ut aer cum duobus nodis oscillans a lingua cogi possit, ad omnes sonos edendos, qui inter sonum aeri proprium, et f altiorem intersunt, cet. Leges, et proprietatum diversitatem, quas modo de tubis linguatis eorumque sonis elocutus sum, nunc methodo experimentali comprobabimus et stabiliemus. PARS SECUNDA. Expositio legum em periculis , secundum quas aer tubo inclusus et lamina metallica talem mutuum injluxum exserunt > ut oscillatio \ eorum synchronica Jiat. §. io. Legum a nobis inventarum nonnullae facile e periculis non admodum complicatis derivari potuerunt. Reliquas non deteximus nisi longis experimentorum seriebus factis, dum simul multas cautelas instrumentaque perfectissima ad pericula adhibebamus. Leges igitur a nobis inventas jam non eo ordine exponemus, quo accuratius inter se cohaerent, sed quo simpliciora experimenta fuerunt, e quibus colligebantur. Hac enim via qui- cunque optime tum experimenta ipsa, tum leges ex iis derivatas intelliget. §. 11. Primum igitur has quinque leges experimentis confirmandas referam: No. 1. Si cum instrumento linguato tubi certarum diversarum longitudinum conjunguntur, diversis his tubis idem sonus proferri potest. *) Pro majore vel minore discordia oscillationum aeri in tubo convenientium et oscillationum linguae. 3$