Observationes nonnullae de ovorum ranarum segmentatione / auctore Maximilano Schultze.

  • Schultze, Max Johann Sigismund, 1825-1874.
Date:
[1863]
Catalogue details

Licence: Public Domain Mark

Credit: Observationes nonnullae de ovorum ranarum segmentatione / auctore Maximilano Schultze. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    9/24 (page 7)
    perturbatur, eo quod quattuor vitelli nigri partes se invicem loco movent. Quam figuram minus regularem creberrimam fig. 9 delineavi. Eandem viderunt Prevost et Dumas5), eandem Baumgdrtner6). Quartum segmentationis vitelli stadium duobus novis sulcis directione meridionali incidentibus in adspectum prodire a viris doctis traditur. Fieri potest, ut huius stadii sulci meridionales paribus intervallis dispositi, ma- xima cum regularitate in superiore ovi superficie ita appareant, ut in fig. 11 depictum est, quam quidem figuram G. E. B a e r i n s, A. Eckerus, alii delineaverunt: multo tamen crebriores observavi formas minus regu- lares, haud raro plane diversas. Quarum quidem exempla, qualia animad- verti, fig. 10. 12, 14, 15 proposui. Quibus autem causis ac rationibus factum sit, ut modo haec modo illa appareret forma, mihi in obscuro est. Saepe inter omnia ex uno oviductu depromta ova in hoc segmentationis stadio nullum reperi ovum, quod formam haberet ita regularem, fig. 11 depictam. Quum vero ex ovis irregulariter segmentatis procreatos ob- servavi pullos integros et sanos, segmentationem minus regularem quasi pathologicam et morbo quodam exortam habere non possum. Initium quarti segmentationis stadii eadem fit, via ac ratione qua primum et secundum. In vitelli globulorum media parte superiore im- pressio exoritur brevis in speciem lineae. Hinc quoque procurrunt plicae tanquam radii (cf. fig. 10, 13). Sulcus tardissime crescit, donec extremae eius partes attingunt sulcum aequatorialem et sulcos meridionales adia- centes. Sensim ac pedetentim exordium sulci clarescit, gradatim in lucem prodit cum tenuibus suis rugis, et per plures sexagesimas horae incre- mentum capit. Aestate mihi observanti ova ranae esculentae, segmentatio ovorum quam celerrime evenit, ita ut inter singula segmentationis stadia vix semihora interesset,. Attamen sulcos in superiore ovi superficie nun- 5) 1. c. tab. VI, fig. G. 6) Beobachtungen uber die Nerven uud das Blut. Freiburg 1830. Tab. V, fig. 13.