De cyanosi : dissertatio inauguralis medica ... / auctor Chr. Andr. Davides Meinecke.

  • Meinicke, Christian Andrea David.
Date:
1825
Catalogue details

Licence: Public Domain Mark

Credit: De cyanosi : dissertatio inauguralis medica ... / auctor Chr. Andr. Davides Meinecke. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    17/44 (page 17)
    Aetiologia. Causae, cyanosin procreantes, partim sunt vitia primitivae fabricae cordis, sive cogenita, par- tim post partum ingressa; illae in duas classes dividi possunt: i. Conformatio cordis, quae, foetu in lucem edito, desinere debet, post partum perdurat: ductus arteriosus Botalli et foramen ovale hiant, vel ille vel hoc apertum remanet, quum utrumque mox post partum claudi debeat, ut dextra cordis pars a sinistra segregetur. Hac re circulatio sanguinis ita mutatur, ut minor portio sanguinis, e venis cavis ad cox redeuntis, e dextro corde pulmones adeat, carbogenioque ope oxygenii aeris inspirati liberetur, sed sanguis venosus partim non mu- tatus statim per foramen avale in atrium sini- strum, aut per ductum arteriosum Botalli in aor- tam propellatur, ideoque intra certum tempus longe minor sanguinis pars mutationem, in pul- monibus perficiendam, experiatur, quam in statu normali, quo omnis sanguis per pulmones cir- cumvehitur. Solus tamen foraminis ovalis hiatus vitae multo minus nocere solet, quam ductus ar- teriosi Botalli intermissa coalitio, illud enim in cadaveribus saepe apertnm inveniebatur, quin in- ter vitam morbi vestigia animadverterentur. IIoc praecipue tum fieri solet, cum infans validus est B