Anthologia sanscritica glossario instrvcta / In vsvm scholarvm edidit Christianvs Lassen ... Denvo adornavit Ioannes Gildemeister.

  • Lassen, Christian, 1800-1876.
Date:
1868
Catalogue details

Licence: Public Domain Mark

Credit: Anthologia sanscritica glossario instrvcta / In vsvm scholarvm edidit Christianvs Lassen ... Denvo adornavit Ioannes Gildemeister. Source: Wellcome Collection.

    9/318
    NOVI EDITORIS PROOEMIVM. Postquam anthologiae ante quinque lustra editae exemplaria omnia divendita sunt, libro ad scholarum usum utilissimo aegre et ipse carui et alios multos carere accepi. Quamquam enim ex illo inde tempore haud unum eius generis opus egregium editum sit, desiderio tamen satisfactum non est, quum aut glos¬ sario in hac lexicorum sanscriticorum penuria neces¬ sario omnino non instructa essent, aut glossario quidem instructa sed lingua inter nos minus vulgata conscripto, aut pj:^ter maiorem ambitum et pretium eorum, qui linguam discere coeperunt, rationibus minus conveni¬ rent. Itaque ipse mihi auctor fuit Lassenivs, quem a tali labore graviores occupationes distinuerunt, ut no¬ vae editionis eiusque pro rerum, qui nunc est, statu aliquantum mutatae curam susciperem. Nam librum prorsus eundem, qualis olim eo consilio adornatus est, ut non nisi inedita contineret, repetere non visum est, quum usus docuerit, partem priorem et faciliorem ni¬ mis distare ab altera difficiliore, quam ut, qui illam legerint, huic intelligendae pares esse possint. Itaque praeter paucas illas e veda desumptas paginas Dhilrta- samagamam, quod praeterea ante collatos codices Lon- dini et Oxonii reconditos denuo edi vix liceret, nunc saltem omittendum inque eius locum, ut idem libri ambitus servaretur, epici potissimum stili exempla.