De tubulorum et membranarum e tubo intestinali dejectione : dissertatio inauguralis medica ... / auctor Mauritius Friedlaender.

  • Friedlaender, Moritz.
Date:
1838
Catalogue details

Licence: Public Domain Mark

Credit: De tubulorum et membranarum e tubo intestinali dejectione : dissertatio inauguralis medica ... / auctor Mauritius Friedlaender. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    13/32 (page 13)
    pertinacissima et quae medicamentis plurimis resistat. Sequuntur dolor in certo loco fixus, major ininorve, tor- mina ventris, appetitus ciborum dejectio, vomituritiones; interdum haec omnia leniter decurrunt, nec cum febri conjuncta sunt; interdum symptomata graviora sunt, ac- cedunt dolores colici, spasmi flatulenti, tympanitis, febris adest magna, pulsuum frequentia et durities, summa an- xietas, sitis magna, calor exauctus, urina rubra, omniaque alia, quae febricitare aegrotum significant. Quae omnia, vehementia modo ac turbida, saepe, quum sufficiens mem- branarum copia abierit, repentino ac quasi in fulguris modum evanescunt. Interdum autem plures dies evacuatio membranarum durat, nec statim omnia symptomata remittunt. Nonnun- quam etiam fit, ut tubuli, quum longiores sint, sphincteris contractione constricti ano adhaerescant, dolores diros aegroto commoveant, nec aliter nisi multis clysteribus datis removeri possint. (Thomasius), Sedes, quae simul cum membranis dejiciuntur, nunc liquidae ac serosae, nunc durae ac naturales, interdum autem sanguine et pure commixtae sunt, quod quidem in iis casibus contingit, qui acutius decurrunt et majorem membranae mucosae destructionem secum ferunt. Haec symptomata modo descripta variantur aliquan- tulum pro loci affecti varietate. — Mason Goodin libro supra allato fatetur, se ab initio credidisse, modo intestina crassa et rectum ea affectione corripi posse, qua ad membranas secernendas disponantur, tamen apud