En postremum tibi damus, candide lector, Ioannis Manardi medici Ferrariensis, sua tempestate omnium medicinae professorum per universam Italiam, in Galeni doctrina et Arabum censura celeberrimi, et optime meriti, Epistolarum medicinalium libros XX., e quibus ultimo duo in hac editione primum accesserunt, una cum epistola, iandudum desiderata, de morbis interioribus, quam utinam immatura morte non praeventus, totam absolvere potuisset. Eiusdem in Ioanne Mesue de simplicia et composita annotationes et censurae, omnibus practicae studiosis adeo necessariae, ut sine harum cognitione aegrotantibus recte consulere nemo possit. Adiecto indice Latino et Graeco, utroque copiosissimo.
Manardo, Giovanni, 1462-1536. | Date: 1540