Observationes de prima insectorum genesi : adiecta articulatorum evolutionis cum vertebratorum comparatione : dissertatio inauguralis quam consensu et auctoritate gratiosi medicorum ordinis in alma Literarum Universitate Ruperto Carola ut summi in medicina, chirurgia atque arte obstetricia honores rite sibi concedantur / scripsit Albertus Kölliker.

  • Kölliker, Albert von, 1817-1905.
Date:
1842
Catalogue details

Licence: Public Domain Mark

Credit: Observationes de prima insectorum genesi : adiecta articulatorum evolutionis cum vertebratorum comparatione : dissertatio inauguralis quam consensu et auctoritate gratiosi medicorum ordinis in alma Literarum Universitate Ruperto Carola ut summi in medicina, chirurgia atque arte obstetricia honores rite sibi concedantur / scripsit Albertus Kölliker. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    24/42 (page 20)
    quisne, inquam, articulatorum nervos primo geneseos momento tetigit? Forma revera hi nervi a medulla et cerebro differunt. Sed nonne viri illi huic rei iusto maiorem tribuere vim? Nervorum animalium systema non in omnibus eadem esse potest forma, sed id quoque a simplici progreditur ad magis complicatum. Si arti- culata cum avibus vel mammalibus comparatis, eius distantiam nolite demirari, quum et formam et evolutionem non tam diversam reperissetis, si Cyclostomos, Triglam vel Tetrodontem ad conferendum elegissetis. Nervorum enim in animalium serie baec esse videtur evolutio: initio duplex est gangliorum catena, deinde ganglia et commissurae a posterioribus anteriora versus coalescunt, postremo ganglia omnia concrescunt, inque cerebro solum ultima disiuncta manent. Quare mirum non est, quantum mammalium medulla primis evolutionis stadiis ab articulatorum nervis diffe- rat, quum organon formam, qua in inferioribus animalibus praeditum erat, in supe- rioribus prima quoque genesi imperfecte tantum referre omnes sciant. Quod denique ad articulatorum ganglii cerebralis silum attinet, von Baer, vir sagacissimus, iam recte monuit i), id revera non supra oesophagum sed ante eum iacere; quod in iis, ubi oesophagus cum ventriculo angulum recto accedentem facit, optime perspicitur, in aliis contra, ubi recta magis decurrit via atque os in antico corpore positum est, minus clare patet. Cerebrum igitur in animalibus inferioribus quoque ut reliqua ganglia ad partem primitivam pertinet. S- 33. Articulatorum nervus' recurrens, ut iam G. R. Treviranus atque inprimis 1. Mulier docuerunt, maximi momenti rebus cum sympathico congruit: intestinis inservit, in facie eorum vitellina decurrit, excellit gangliorum formatione, et evolutione sua a ganglio cerebrali non pendet, quamquam ei annexus est. Agamus denique de sensibus. Oculi in vertebralis partis primitivae tenent latera, atque ex ea oriuntur. Sic quoque in plerisque Cruslaceis et omnibus fere Insectis sunt positi, in aliis contra plus ininusque in capitis parte vitellina1 2) silum habent, ut in Arachnidis et Arlhrodeis. Res igitur incerta maneret, nisi Rathke observationibus deDecapodorum evolutione eam decerneret. Nam in Astaco, Palaemone, Crangone oculos cum pediculis inter prima 1) Ueber Entwickelungsgeschichte der Thiere, I. p. *2;!5. 2) Latus parti primitivae oppositum vitellinum dico.